Bellow, Saul. Estatu Batuetako eleberrigilea (Lachine, Québec, 1915). Errusiako judu etorkinen familiakoa zen, eta eleberrietan Estatu Batuetako juduen arazoak ukitu ditu bereziki. Lehen eleberrian (The Dangling Man, 1944) Kafkaren lanen antzeko giroa agertu zuen. Bellow-ri idazle gisa aldaketa handia ekarri zion The Adventures of Augie March (1953) eleberrian Chicagoko bere haurtzaroa kontatzen du. Geroztik plazaratu dituen zenbait lan: Henderson, the Rain King (1959); Herzog (1964), haren eleberririk ezagunena; Mr. Sammler's Planet (1970); Humboldt's Gift (1975); To Jerusalem and Back (1976), bidaia egunkaria; The Dean's December (1981). n Egilearen ihardun eremua eguneroko bizitzak eskaintzen duen alderdi bitxi eta ez ohizkoa da, eta zoriak hartaraturik beren alderdi iluna aztertzera behartuta aurkitzen diren pertsonaiak aurkezten ditu. 1977an Literatur Nobel Saria eman zioten.Bellamy, Edward. iz. Estatu Batuetako idazlea (1850-1898). Legegizona eta kazetaria izan zen; 1888an arrakasta handia lortu zuen 2000. urtea izeneko nobela ezagunarekin.

[Idazleari buruzko informazio gehiago]